Авион на „Marathon Airlines“ со оштетен труп и крило цел час летал над Белград за потоа принудно да слета на аеродромот „Никола Тесла“. На социјалните мрежи се појавија слики од дупката во неговиот труп. Српски Н1 пишува дека штетата настанала кога авионот полетал од истиот аеродром и удрил во светлосната сигнализација.
Полетувањето било кратко и авионот немал време да ја избегне сигнализацијата. Истекло гориво, а пожарникари спречиле пожар прскајќи го леталото.
Авионот носел 106 патници во текот на инцидентот. „Ер Србија“ соопшти дека нивната безбедност не била загрозена во ниту еден момент. Летот за Дизелдорф е откажан.
