Авионот на Atlas Air, Boeing 747-8 (5Y) принудно слета на аеродромот во Мајами (МИА) само неколку минути по полетувањето од пистата 09 вечерта во четвртокот на 18 јануари 2024 година.
На карго верзијата на овој авион, моторот број 2 (внатрешниот мотор на левото крило) се запали на летот 5Y95 за Порторико (SJU) за време на почетната фаза на искачување.
Целиот тек на летот е снимен на платформата Flightradar24, каде што може да се забележи дека авионот полетал во 03:32 UTC и слетал во 03:46 UTC. UTC или Координирано универзално време е временска пресметка што се користи како референца во воздухопловството, т.е. „универзална временска зона“.
Неколку минути по полетувањето во фазата на искачување на околу 3.800 стапки (1.200 метри), екипажот, пред да го прелета островот Фишер, прогласи вонредна состојба и побарале дозвола да извршат итно слетување на аеродромот во Мајами, направја круг преку Кибискејн и се вратиле назад.
Летот завршил по вкупно 14 минути.
Низ социјалните мрежи се рашири видео од авионот со едното крило зафатено во пламен.
Екипажот веднаш ги извршил стандардните безбедносни процедури и авионот безбедно се вратил на меѓународниот аеродром во Мајами.
„Екипажот ги следеше сите стандардни процедури и безбедно се врати на аеродромот во Мајами“, потврдија во соопштението на Atlas Air. Нема повредени меѓу членовите на екипажот, пренесува Aerotime.
Федералната управа за авијација (FAA) официјално го потврдиле инцидентот и ја објавиле својата намера да спроведат детална истрага за околностите околу пожарот што го зафати моторот Џенерал Електрик GEnx-2B67.
Авионот во кој се случи инцидентот е Boeing 747-произведен во 2015 година и е дел од флотата на Atlas Air од првиот ден на комерцијалната употреба, заедно со уште девет авиони на истата верзија и над 40 B747 малку постари варијанти.
