Купувачите на iPhone може да очекуваат одложување на испораката на тој производ поради ограничувањата предизвикани од коронавирусот во производствена фабрика во Кина, предупреди Apple.Производствениот партнер на Apple, Фабриката за iPhone на Foxconn во Женгжу, Кина работи под ограничувања, што привремено влијае на примарната фабрика за склопување на iPhone 14 Pro и iPhone 14 Pro Max.
Неодамна имаше извештаи дека работниците во фабриката за склопување на iPhone во Кина побегнале од фабриката откако бранот случаи на „Ковид-19“ ја принуди фабриката целосно да се затвори.
Компанијата Foxconn, официјалниот снабдувач на американскиот Apple, има многу работници во својот комплекс Женгжу и не го соопшти официјалниот број на заразени со Ковид-19.
Од Apple велат дека тесно соработуваат со добавувачот за да се вратат на нормално ниво на производство, а во исто време работат на обезбедување здравје и безбедни услови за секој работник.
