Ана Окса (61) е една од најпознатите италијански пејачки, уметничка со моќен глас, кој го отвори фестивалот во Санремо и по едноминутно молчење за жртвите од земјотресите во Турција и Сирија, ја отпеа „песна на душата“.
Меѓутоа, легендарната италијанска пејачка Ана Окса заврши на последното место на првата вечер на фестивалот во Санремо, а збесна на одлуката на жирито и објави соопштение во кое го објаснува своето незадоволство.
„Оксарте и компанијата Ана Окса ѝ се заблагодаруваат на публиката. Вашите емоции се силни. За жал, нема да можеме да одговориме на сите. Ве гушкаме и се гледаме на деветтиот ден. Убаво е да се слушне дека не очекувавте ништо друго од медиумите. Очигледно е дека не ве претставуваат.се гледаме во четврток“, им порача таа на фановите.
Таа набрзо објави соопштение упатено до новинарското жири кое, како што тврди, не го разбрало текстот на нејзината песна „Sali (Canto dell’anima)#. Таа посочи дека во Италија има „функционална неписменост“.
„Компанијата ‘Oxarte’ се солидаризира со оние кои се бореле да го разберат значењето на песната. На некои веројатно им е полесно да го разберат текстот чија структура не е толку блиска до италијанскиот јазик. Нашиот совет е да се обратите до експерти или да слушате нешто друго со структура на текстот во рамките на вашите можности. Ви благодариме на вниманието“, порача таа.
Инаку Ана ја стекна славата токму на Санремо. За првпат настапи на овој фестивал во 1978 година со песната „Un’emozione da poco“, со која заврши на второто место. Двапати успеа да го освои првото место: во 1989 со песната „Ti Lascero“ која ја отпеа со Фаусто Леали и во 1999 година со синглот „Senza pieta“.
