Американски крстосувач погодил американски воен авион кој полетувал од носач за авиони во Црното Море. Двајцата пилоти успеале да се катапултираат од леталото и се извлечени живи од водата. Едниот од нив се здобил со полесни повреди.
Американската морнарица информираше дека се работи за инцидент со „пријателски оган“. Инцидентот се случил во време кога војската соборила дронови и ракета истрелани од јеменската бунтовничка група Хути.
Централната команда на американската армија не прецизираше која била мисијата на пилотите во тоа време.
„Крстосувачот со наведувана ракета Гетисбург, кој е дел од борбената група за удари што го придружува носачот на авиони Хари Труман, по грешка испука и го погоди F/A-18 при полетувањето од носачот“, се вели во соопштението на Централната команда.
На 15 декември, беше откриено дека Хари Труман влегол на Блискиот Исток, но не прецизираше дека носачот на авиони и неговата борбена група се наоѓаат во Црвеното Море.
Останува нејасно како Гетисбург го помешал F/A-18 за непријателски авион или проектил, особено затоа што бродовите во борбената група остануваат поврзани и со радар и со радио комуникација. Сепак, Централната команда соопшти дека воени бродови и авиони претходно собориле голем број беспилотни летала на Хутите и противбродска крстосувачка ракета истрелана од бунтовниците.
Синоќа и рано утринава, американски воени авиони извршија воздушни напади кои ја потресоа Сана, главниот град на Јемен, кој Хутите го контролираат од 2014 година. Централната команда ги опиша нападите како цели на „објект за складирање проектили“ и „команден и контролен објект“, без да наведе детали.
Медиумите под контрола на Хутите објавија дека има напади и во Сана и околу пристанишниот град Ходеида, без да дадат информации за жртви или материјална штета. Во Сана, ударите се чини дека се особено насочени кон планината каде што се наоѓаат воените инсталации.
