Американскиот секретар за одбрана Лојд Остин во четвртокот изјави дека се уште е рано да се каже кој би можел да стои зад прекинот на гасоводот Северен тек.
„Кога зборуваме за напад – или оштетување на гасовод, мислам дека во овој момент има многу шпекулации. Но, искрено, додека не се направи целосна истрага, никој нема да може со сигурност да утврди што се случило“, рече Остин на прес-конференција на Хаваи.
Остин додаде дека разговарал за инцидентот со својот дански колега во средата, „и тој ми посочи дека ќе поминат неколку дена пред да го доведат вистинскиот тим за да се обидат да утврдат што е можно подобро што се случило“. „Сè додека не добиеме повеќе информации или не можеме да направиме дополнителна анализа, нема да шпекулираме кој е одговорен“, рече Остин.
Европската унија ги истражува причините за истекувањето на гасоводите Северен тек 1 и 2 под Балтичкото Море со кои управува руски Газпром и се сомнева дека е извршена саботажа.
Русија во четвртокот објави дека САД ќе имаат корист од прекинот на гасоводот Северен тек. Портпаролката на Министерството за надворешни работи Марија Захарова на брифинг рече дека САД ќе можат да ја зголемат продажбата на течен природен гас (ЛНГ) доколку цевководите трајно се деактивираат. Захарова повика и истрагата на ЕУ да биде „објективна“.
Albanian
English
Macedonian
Turkish
