More

    Американски носач и флота бродови пловат накај Сплит

    spot_img

    Флота, односно фрегата норвешки бродови ќе го придружуваат американскиот носач на авиони „Хари С. Труман“, кој е на нуклеарен погон, додека се закотвува во пристаниште во Сплит, соопшти американската амбасада. Носачот е колку три фудбалски стадиони, а неговото пристигнување ја покажува „решителноста“ на САД и сојузниците, вели капетанот кој ќе го управува бродот.

     

     

    – Оваа посета на пристаништето во Сплит ќе биде клучна за да ја покажеме нашата решителност со американските партнери и сојузници во Јадранот – рече капетанот Гевин Даф, командант на носачот „Хари С. Труман“.

    – Неодамна, учествувавме во вежбата „Нептун удар 22“ со нашиот сојузник Хрватска, во рамките на Северноатлантската алијанса и со нетрпение очекуваме да поминеме време на брегот со нашите историски домаќини – додаде тој.

    Посетата на пристаништето ќе биде и можност за морнарите да го искусат она што Хрватска го нуди и да ги зајакнат односите со хрватските граѓани, посочуваат од амбасадата. Имено, екипажот во Сплит ќе учествува во хуманитарната акција во детскиот дом Маестрал, а ќе има и организирани туристички тури.

     

     

    Американскиот носач, всушност, еднаш веќе беше закотвен во близина на Сплит во 2015 година. Во функција е од 1996 година и е еден од нуклеарните носачи на авиони од класата Нимиц, најголемите носачи на авиони во светот, со големина на три фудбалски стадиони.

    Долг е преку 300 метри и широк над 40 метри, со провев од 12 метри. Се напојува со два нуклеарни реактори кои овозможуваат брзина од над 30 јазли. Без полнење, може да плови три милиони милји, речиси 25 години.

    Името го добил по повоениот американски претседател Хари С. Труман и е познат и како „Осамен воин“.

    Во 2015 година, кога тој беше во Хрватска, оружјето на носачот се состоеше од борбени авиони „F/A-18 Hornet“ и „Superhornet“, хеликоптери „SH-60 Seahawk“ и „E-2 Hawkeye“ електронски авиони за извидување и рано предупредување.

    За противвоздушна одбрана „Осамениот воин“ користи ракети Sea Sparrow и противвоздушен систем Фаланга, кој комбинира радари со повеќецевкаст противвоздушен пиштол.

    EPA-EFE/FACUNDO ARRIZABALAGA

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img