Американската новинарка Андреа Лофул Сендерс, водителка на локално радио од Пенсилванија, која го интервјуираше претседателот Џо Бајден на 3 јули, поднесе оставка затоа што на претседателот му поставувала прашањата нарачани од неговиот тим.
Лофул Сендерс, која ја води емисијата „The Source“ на локалната радио станица WURD, му постави на Бајден четири такви прашања во интервјуто што го даде по првата претседателска дебата.
WURD and its host Andrea Lawful-Sanders parted ways after a controversial interview with President Joe Biden https://t.co/NXXLw5Wa73
— PhillyVoice (@thephillyvoice) July 8, 2024
Од WURD, единствената радио станица во Пенсилванија во сопственост на црнци, истакнаа дека интервјуто било договорено без знаење или консултација со раководството. Во изјавата, претседателката на WURD, Сара М. Лумакс, рече дека прашањата нарачани од тимот на кампањата „ја нарушуваат нашата практика да останеме независен медиум“.
„WURD и Лофул Сендерс „заемно се согласија“ да се разделат“ – се вели во соопштението.
Друг радио водител кој исто така го интервјуираше Бајден во Милвоки рече дека и нему му биле доставени прашања пред интервјуто, па затоа не можел да прашува сè што сака.
Портпаролот на кампањата на Бајден изјави за медиумите дека не е невообичаено за нив да споделуваат теми за разговор и дека Лофул Сендерс можела слободно да поставува други прашања.
– Ние не условуваме интервјуа со прифаќање на нашите прашања, а новинарите секогаш се слободни да поставуваат прашања за кои сметаат дека ќе ги дадат најдобрите информации за нивната публика – рече портпаролот на кампањата на Џо Бајден.
