Администрацијата на американскиот претседател Џо Бајден се подготвува да го испрати во Украина оружјето што нападнатата земја го бара веќе подолго време како приоритет број еден – напредни ракетни системи со долг дострел.
Според Си-Ен-Ен, САД се наклонети кон испраќање на овие системи како дел од поголем пакет воена и безбедносна помош за Украина. Конечната одлука би можела да биде објавена следната недела.
Имено, највисоките украински функционери, вклучително и претседателот Володимир Зеленскаја, во последните недели бараа од Соединетите Држави и нивните сојузници да испратат повеќецевни ракетни фрлачи (МЛРС) во Украина. Ваквите американски системи можат да истрелаат низа проектили со дострел од стотици километри, што е значително повеќе од кое било оружје со кое Украина моментално располага. Имено, Украинците тврдат дека ова оружје може да донесе предност во борбата против руските окупатори.
Друго оружје што Украина го бара е HIMARS (High Mobility Artillery Rocket System), високомобилен систем кој може да истрела серија проектили што ги користат повеќецевните ракетни фрлачи, пренесува Индекс.
Во последните недели Русија ги насочи сите свои напори на источниот регион Донбас. Украинците се најдоа таму соочени со руската супериорност во работна сила и оружје.
Администрацијата на Бајден досега не сакаше да испрати такво оружје поради стравувањата дека Украинците би можеле да ги користат тие системи за офанзивни напади на руска територија, изјавија американски официјални лица за Си-Ен-Ен.
