Карлос Алкараз се врати во родната Шпанија по неуспешната одбрана на титулата во Њујорк, каде беше елиминиран од Даниил Медведев во полуфиналето на УС Опен, а тронот и првото место ги презеде Новак Ѓоковиќ.
Таму се обиде да се одмори и да се опушти до крајот на сезоната, но наиде на тешки критики.
Имено, Алкараз решил да ја посети коридата во неговиот роден град Мурсија, каде се одржуваат борби со бикови и да ја почитува познатата шпанска традиција.
Во еден момент тој беше фотографиран како воодушевен гледа матадор шоу, што предизвика негодување од организацијата за заштита на животните ПЕТА.
„Карлос, борењето со бикови е тортура, а не култура. Нема ништо смешно во прободувањето и мачењето животни – а повеќето млади луѓе во Шпанија не гледаат на борбите со бикови како на крвен спорт. Ве молиме не поддржувајте повеќе борби со бикови и ве повикуваме никогаш повеќе да не одите на овие борби“, се вели во соопштението на организацијата ПЕТА, која претходните денови беше „информирана“ дека Карлос Алкараз е главното лице на трибините и сигурно многу луѓето дојдоа да го видат и него..
Борбите со бикови се најпопуларни во Шпанија, како и во неколку други латински земји, а во последните години се повеќе се мета на јавноста, особено на активистите за правата на животните.
