Во Јужна Митровица, веднаш зад мостот на Ибар, денеска се собраа околу стотина граѓани. Причината, како што наведоа, е „поддршка на политиката на Албин Кути“, поради последните настани на северот на Косово, и инцидентите. Хеликоптер на КФОР лета над Митровица, и сѐ се одвива без проблеми.
И покрај повиците на косовската полиција граѓаните да не одговараат на повиците за „непотребни собири“, на јужната страна на главниот мост на Ибар започна протест на кој беше повикан на социјалните мрежи во претходниот денови.
Во овој момент е зголемено присуството на карабинери на мостот. Тие се наоѓаат на северната страна на мостот, а повремено на овој простор се видливи патроли на КФОР.
На јужната страна на мостот зголемено е присуството на косовската полиција.
На само неколку десетици метри, на почетокот на шеталиштето во Митровица на југ, има околу стотина граѓани, а во овој дел има и десетина припадници на косовската полиција.
Некои граѓани кои учествуваат на протестот носат неколку знамиња на Албанија, Голема Албанија и знамето на „УЧК“, а повремено низ кружниот тек на југ поминуваат автомобили на кои е закачено албанско знаме. Некои демонстранти носат и капи со ознаки на „УЧК“.
