Арсенал од оружје и воена муниција коишто требало да завршат од Поградец во Македонија биле запленети од албанската полиција. Оружјето е пронајдено во штала за добиток до куќата на 40-годишен жител на селото Старова кај Поградец, кој требало да го пренесе во Македонија. Овој жител и претходно бил осудуван за производство и продажба на наркотици, пренесува албанскиот канал на Еј-Би-Си Њуз.
„Финализирана е акцијата „Старова” во која запленети се лесен митралез, автоматско огнено оружје, две полуавтоматски пушки, значителна количина боева муниција, реденик за миталез со 30 куршуми, рачни гранати, подвижни делови од пушката. Истите се одземени како материјален доказ“, стои во полициското соопштение.
Случајот е предаден на Обвинителството при Основниот суд од општа надлежност на градот Корча.
Albanian
English
Macedonian
Turkish
