Холивудскиот актер Брус Вилис ретко се појавува во јавноста откако му беше дијагностицирана афазија во 2022 година, јазично нарушување, а потоа болеста напредуваше во фронтотемпорална деменција.
Единствениот пат кога обожавателите добиваат шанса да го видат е кога папараците ќе го снимат додека го возат низ Калифорнија. Деновиве тој се релаксирал со својот телохранител на возење низ Лос Анџелес.
Брус седел на совозачкото седиште и имал тажен израз на лицето.
Секоја нова фотографија на познатиот актер ги растажува неговите обожаватели бидејќи се навикнати да го гледаат насмеан.
„Моите мисли се со него. Ова е голема болка“, „Многу ми е жал за овој човек“, „Тажно е да се види како оваа актерска легенда полека заминува“, се дел од коментарите на социјалните мрежи.
Семејството на Брус Вилис редовно известува за неговата состојба. Неговата ќерка Талула Вилис рече дека Брус „се чувствува исто, што е добро во неговата ситуација“.
„Нашите посети имаат толку многу љубов и мислам дека тоа надминува сè“, додаде таа. Иако состојбата на Брус била тешка за целото семејство, Талула вели дека тоа „создаде можност за повеќе љубов меѓу нив“.
Неговата поранешна сопруга Деми Мур, со која има три ќерки Румер, Скаут и Талула, исто така проговори за состојбата на Брус.
„Имајќи ги предвид сите работи, стабилно е“, рече Деми Мур.
Фронтотемпорална деменција е редок вид на деменција што предизвикува проблеми со однесувањето и говорот. Понекогаш се нарекува Пикова болест или деменција на фронталниот лобус. Првите видливи симптоми се промени во личноста и однесувањето и тешкотии во зборувањето. Овој тип на деменција се однесува на фронталниот и темпоралниот лобус на мозокот, каде што се јавува оштетување поради болеста. Не е познато што го предизвикува, но често има генетска компонента.
ФОТО: Инстаграм
