Популарниот српски актер Милош Биковиќ, се вери со својата избраничка, црногорската адвокатка Ивана Малиќ.
Милош и Ивана веќе две години се во сериозна врска, а неодамна објавија дека ќе станат родители.
Најпопуларниот актер во регионот и црногорската адвокатка со нетрпение го очекуваат првото дете, а го открија и полот – момче, потврдија неодамна.
Додека го подготвуваат својот дом за наследникот, парот одлучил да се вери. Како што дознава српски „Курир“, тие двајца се вериле пред неколку дена, а поради тоа што се трудат своите животи да ги чуваат подалеку од очите на јавноста не го експонирале тоа јавно.
„Познато е дека Милош не сака јавно да ги изнесува деталите од приватниот живот. Тој сака да го избегне вниманието, еуфоријата и чинот на венчавка да биде реализиран во строга тајност. Откако Ивана е бремена, тие двајца разговараат на тема официјално да стапат во брак, а тоа ќе се случи пред да станат родители. И едниот и другиот се усогласиле дека најдобро е информациите за интимниот чин да ги споделат со своите пријатели и јавноста дури откако ќе завршат“, рекол изворот.
Биковиќ избрал многу убав прстен, а неговата избраничка се пофалила со истиот на социјалната мрежа Инстаграм. Таа позирала пред ноќно огледало со маска за лице, а на фотографијата јасно е воочлив и нејзиниот веренички прстен.
