Познатиот холивудски актер Џејми Фокс е повреден во тепачка во бар во Беверли Хилс, објавија денеска американските медиуми.
Неговиот официјален претставник објави дека Фокс го прославува својот роденден во ресторанот Mr. Чау кога некој фрлил чаша и го удрил, поради што на популарниот актер му ја сошиле усната, пренесува NBC News.
„Конфронтацијата се случила околу 22.00 часот, а полицијата на Беверли Хилс добила повик за можен напад со смртоносно оружје и подоцна утврдила дека пријавата е неоснована. Станува збор за тепачка во кафеана. Никој не е уапсен“, велат од соопштение на полицијата.
Инцидентот се случи откако во вторникот се емитуваше специјалната програма на Нетфликс „What Had Happened Was“, во која Фокс сподели со публиката дека минатата година доживеал мозочен удар.
