Претседателот на Алтернатива Африм Гаши му одговори на фејсбук на неговиот поранешен сопартиец Скендер Реџепи за средбата со поранешниот премиер Зоран Заев во Струмица.
Според него, вистинското прашање e зошто и по чиј налог го селдат службите на СДСМ и на ДУИ?
„Како лидер на Алтернатива, имам мандат и должност да се среќавам со сите политички актери во земјата. Така сум работел досега и така ќе работам и во иднина. Следствено, нема ништо посебно и мистериозно во мојата средба со поранешниот премиер Зоран Заев. Јас го разбирам интересот на медиумите за оваа средба, но мислам дека вистинското прашање не е кој, каде и зашто се среќавам, туку зошто, по чиј налог и од каков страв ме следат службите СДСМ-ДУИ?“, напиша Гаши.
Претходно независниот пратеник Скендер Реџепи објави фотографија од средба на Гаши и Заев и праша што побарал Гаши од поранешниот премиер?
