Шпанскиот премиер Педро Санчез во четврток ќе се сретне со украинскиот претседател Володимир Зеленски и ќе одржи говор во украинскиот парламент, соопштија од неговиот кабинет.
Шпанскиот лидер е во ненадејна посета на Киев како поддршка на Украина пред првата годишнина од руската инвазија. Подоцна тој ќе одржи заедничка прес-конференција со Зеленски, пренесува Си-Ен-Ен.
Санчез, исто така, планира да ги посети Буча и Ирпин, два града во близина на Киев кои станаа синоним за наводни руски воени злосторства. Покрај тоа, тој ќе положи венец на воениот споменик, соопштија од неговиот кабинет.
Патувањето на Санчез следи по строго доверливата посета на Џо Бајден на украинскиот главен град во понеделникот, во која американскиот претседател најави половина милијарда долари нова помош за Киев.
Шпанија е меѓу бројните сојузници на НАТО кои се согласија да испратат модерни тенкови во Украина и обучија 800 украински војници во пиринејската земја од почетокот на војната, изјави во средата министерот за одбрана на Мадрид.
