Украинскиот претседател Володимир Зеленски синоќа преку видео врска го отвори 73-тото издание на Берлинскиот филмски фестивал.
Во својот говор тој ги повика филмаџиите да стават крај на тиранијата, правејќи паралела меѓу руската инвазија на Украина и падот на Берлинскиот ѕид.
На овогодинешниот фестивал за Златна мечка се натпреваруваат 19 филмови. Премиерно ќе биде прикажан и документарен филм за концертот на групата U2 во Сараево во 1997 година. Претседател на жирито на овогодинешното Берлинале е актерката Кристен Стјуарт.
„Денес Украина е тврдина на слободниот свет, тврдина која стои една година. Тврдина која се заштитува себеси, Европа и светот. Тврдина која не може да падне, тврдина која сигурно ќе стои и ќе победи. Знам дека сите ќе го видите откако ќе ја видите нашата супермоќ. Суперсила Украина. Слава на Украина“, рече Зеленски во своето обраќање.
