Актерот Брус Вилис, според пишувањата на странските медиуми, се бори со деменција, која кога ќе напредува може целосно да му го смени животот и да го исклучи од светот на филмот.
Деменцијата на актерот ја открил режисерот Мет Ескандари, кој работел со Вилис на неколку филмови.
– Вистина е. Режирав четири филма со него, така што знам од прва рака. Тажно е да се види легенда како Брус Вилис како се распаѓа пред вашите очи. Видов како е да се работи со него во последните неколку години – напиша режисерот во коментарот на Фејсбук под снимката за гласините за болеста на Вилис.
Обожавателите почнале да се грижат за Брус Вилис кога тој почна да глуми во нискобуџетни филмови. Се појавиле информации дека актерот имал проблеми со памтењето на дијалогот, но првично како причина се споменуваше мрзливоста. Сега се испоставило дека Брус Вилис се бори со сериозна болест.
Како што пишуваат странските медиуми, болеста сѐ уште е во ран стадиум.
