Македонскиот фудбалски репрезентативец Езџан Алиоски, заедно со своите колеги од фудбалскиот клуб Фенербахче активно се вклучи во обезбедувањето средства и производи како помош на настраданите региони во Туркије, погодени од разорниот земјотрес.
Топла облека, чевли и сите најосновни работи кои се потребни за сите оние кои останаа без своите домови, испратија Алиоски и соиграчите од турскиот гигант.
Досега околу 20 камиони со амблемот на клубот беа натоварени со помош на Алиоски и другите фудбалери на Фенербахче, по што тргнаа до крајната дестинација на оние на кои им се најпотребни.
