Во тек на полициска акција за сузбивање на организирана криминална група криумчари на мигранти, полициски службеници извршиле претрес во домот на А.Ф.(20) од Скопје, при што се пронајдени и одземени автоматска пушка без кундак „АК-47″ – „Калашников”, 31 куршум со калибар 7,62 милиметри и 100 куршуми за пиштол со калибар 9 милиметри, кои недозволено ги набавил и чувал во својот дом, соопшти МВР.
А.Ф. бил лишен од слобода и опфатен со веќе поднесената кривична пријава против 13 лица, за сторени кривични дела по чл. 418-в ст.2 и по чл.418-б ст.2 од Кривичниот законик, и веќе издржува мерка притвор во траење од 30 дена – информира полицијата.
