Министерката за надворешни работи на Германија, Аналена Бербок, дала огромни суми државни пари во текот на 2022 година за шминка и за фотограф, пишуваат локалните медиуми.
Германската министерка потрошила 136.552 евра за пудра, шминка и за стајлинг, сето тоа на државен трошок, што е рекорд. Германската телевизија НТВ јавува дека Бербок дури вработува и стилист, кој добива 7.500 евра месечно.
Објаснување стигна од Министерството за надворешни работи. Како што пренесуваат германските медиуми, од Министерството велат дека сумата за шминкерот е потребна поради бројните средби и патувања.
Откако се дозна за трошењето на парите на германската министерка, во Германија се крена голема бура, а угледот на министерката Бербок забележа пад. Големо внимание привлече сознанието дека лани биле издвоени 178.765 евра за министерката.
Аналена Бербок предизвика голем дипломатски скандал кога во говорот во Советот на Европа, неколку часа по одлуката за испраќање германски тенкови, пред камерите изјави дека Европа води војна против Русија.
Тоа предизвика гнев кај канцеларот Олаф Шолц, а веќе има бројни барања за нејзино разрешување.
