Валтери Ботас, финскиот возач на Алфа Ромео во Формула 1, ја коментираше одлуката на ФИА да им забрани на возачите да даваат политички изјави.
„Да бидам искрен, јас лично не сакам политика. Сакам да се тркам, но од друга страна, политиката е дел од нашите животи. Мислам дека направивме добра работа во минатото кога го свртевме вниманието на некои негативни појави во општеството. Го кренавме гласот, а можеби Фетел беше лидер во тоа“, вели финскиот возач.
Ботас смета дека за секоја тема треба јавно да се разговара.
„Не знам зошто ФИА сака да не контролира. Треба да имаме право да зборуваме за тоа што сакаме. Така гледам на работите, но ќе видиме што ќе се случи во иднина“, изјави Ботас.
