Одлуката дали ќе почнеме формални преговори за влез во Владата, многу ќе зависи и од средбата на Таравари со американската амбасадорка Агелер, вели за „Слободен печат“ висок функционер од Алијанса. Партијата викендов ќе решава дали ќе почне преговори за влез во Владата, а во спротивно најавија дека излез се предвремени избори.
И премиерот и Ахмети ги повикуваат партиите за поддршка на концептот за европска Македонија, односно т.н. „алијанса за Европа“, зад која веќе стојат СДСМ, ДУИ, Алтернатива и Алијанса.
Наспроти единствената позиција на Ковачевски и на Ахмети за проширување на владиното мнозинство, против влезот на Алијанса во власта остануваат третиот владин партнер Алтернатива, која одбива да отстапи ресор, „огнената група“ од ДУИ, но и Демократскиот сојуз.
