Рускиот министер за одбрана Сергеј Шојгу изврши инспекција на војниците кои учествуваат во офанзивата во Украина, соопшти руската армија.
Шојгу го посети штабот на единицата Восток, каде разговараше со командантот и каде му беше презентиран извештај за состојбата на теренот и „напредокот во извршувањето на борбените задачи“.Армијата не ја прецизираше локацијата на штабот, кој би можел да биде во Русија или Украина.
Во видеото објавено од Министерството за одбрана, Шојгу одржа состанок со руските команданти и во живо и преку видео врска.
Меѓу командантите кои преку видео врска учествуваа на состанокот беше и началникот на рускиот Генералштаб Валериј Герасимов, кој неодамна беше назначен за раководител на руската операција во Украина.
Шојгу им врачи и одликувања на војниците.
