Германскиот фармацевтски гигант BioNTech објави дека ќе ја купи лондонската компанија за вештачка интелигенција InstaDeep.BioNTech во соопштението рече дека ќе го купи InstaDeep за 362 милиони фунти (440 милиони долари) со дополнителни идни плаќања засновани на перформанси од 200 милиони фунти (243 милиони долари).
Купопродажниот договор треба да биде склучен во првата половина на 2023 година.
Во соопштението се додава дека овој чекор ќе му помогне на BioNTech да ги зголеми своите „способности за развој на лекови со користење на вештачка интелигенција и развој на имунотерапија и вакцини од следната генерација за елиминација на разни болести“.
Оваа трансакција ќе додаде приближно 240 висококвалификувани професионалци во работната сила на BioNTech.
Во ноември 2020 година, две компании за прв пат соработуваа на развој на лекови кои користат вештачка интелигенција.„Стекнувањето на InstaDeep ни овозможува да ги вклучиме способностите на вештачката интелигенција во дигиталниот свет во нашата технологија, истражување, откривање лекови, производство и процеси на имплементација“, рече Угур Сахин, извршен директор и ко-основач на BioNTech.
