Иако најважно е да се сакате и добро да се разбирате, водењето љубов е исто така важен дел од секоја врска.
Физичката привлечност го става визуелното во преден план, а луѓето како вид тешко можат да се изборат против тоа. Изгледот е она што ќе не привлече, а внатрешната убавина е она што ќе не натера да останеме со одредена личност.
Сепак, постојат некои знаци кои можат да ви кажат дали сте создадени еден за друг или дали е подобро секој да тргне по својот пат.
Секако, нема да бидете постојано исто расположени, но ако вашиот партнер или вие веќе некое време саботирате сексуални активности, тоа може да значи дека сепак не сте компатибилни. Глоси пишува за знаците кои покажуваат дали сте создадени еден за друг кога се во прашање сексуалните односи.
Го имате истиот стил на бакнување
Некои ќе речат дека бакнежот е многу поинтимен од сексот. Тоа е сладок знак на љубов што прави да се чувствуваме како заљубени тинејџери. Експертите објаснуваат дека има безброј стилови на бакнување, а повеќето луѓе се држат до оној што им доаѓа природно. Ако уживате во бакнувањето со партнерот, дефинитивно сте сексуално компатибилни. Освен тоа, истражувањето направено на Оксфорд и објавено во „Journal Of Sexual Behavior“ вели дека оние луѓе кои на самиот почеток биле одлични бакнувачи, речиси секогаш имале одличен сексуален живот.
Сексот е задоволство, а не обврска
Експертите веруваат дека долгорочните партнери треба да го стават сексот на прво место. Работата, децата и секојдневните обврски обично го ставаат сексот на самото дно на листата на приоритети. Ако и двајцата сте свесни дека животот ве лишил од задоволство и сакате да го промените тоа, тоа значи дека сте сексуално компатибилни без разлика што не сте се посветиле еден на друг одреден временски период.
И двајцата сакате (или не сакате) да пробувате нови работи
Во текот на животот, некои луѓе развиваат претпочитање за погласен секс, некои за потивок секс. Некои сакаат нежност, а некои грубост. Некои сакаат да бидат доминантни, а некои сакаат да бидат покорни. Ако вие, на пример, сакате да бидете инфериорни, а вашиот партнер сака да биде доминантен, ова е знак дека сте сексуално компатибилни.
Еден пример се сексуалните преференции, кои денес луѓето ги нарекуваат фетиши. Ако вашиот партнер има фетиш за стапалата, а вие го сметате за крајно одбивен – тоа значи дека сепак не сте сексуално компатибилни.
Добри сте во комуникацијата
Комуникацијата е клучот за добра врска. Ако знаете што некому му одговара, а што не, тоа е уште еден знак за компатибилност. Нема подобар начин да го подобрите вашиот сексуален живот отколку преку искрена и транспарентна комуникација.
