Дизелот и екстра лесното масло за горење поскапуваат за 0,50 денари за литар, а цената на бензините останува иста, одлучи денеска Регулаторната комисија за енергетика.
Според одлуката дизелот од полноќ ќе се продава по цена од 81 денар за литар, а екстра лесното масло за домаќинство (ЕЛ-1) ќе се порадва по цена од 79 денари за литар.
Малопродажните цени на бензините „еуросупер“ БС-95 и „еуросупер“ БС-98 не се менуваат, односно ќе се продаваат по цена од 76, односно 78,50 денари за литар.
според одлуката на Регулаторната комисија за енергетика, малопродажната цена на мазутот, се намалува за 0,137 ден/кг и ќе чини 39,233 денари.
