Репрезентацијата на Франција ја зафатија неочекувани проблеми во пресрет на финалето на Светското првенство против Аргентина в недела.
Имено, во францускиот табор наводно се шири вирус кој по Адриен Рабио и Дајот Упамекан го собори и Кингсли Коман.
Шпанскиот AS отиде чекор понатаму со изјавата дека станува збор за инфекција со камила предизвикана од големите промени на температурата во Катар. Од една страна температурите надвор се високи, а на стадионите и во официјалните хотели каде што престојуваат репрезентациите се прилично ниски поради климата.
Нема потврда за точната инфекција, но селекторот на Франција Дидие Дешамп ги потврди проблемите.
„Ги преземаме сите неопходни мерки за да не се шири вирусот. Ги одвоивме болните играчи од остатокот од групата. Имунитетот на некои луѓе е ослабен и тие автоматски се поподложни на инфекции. Можеби звучи чудно, но играчите во Катар често се изложени на ниски температури поради климата. ”
Сепак, последните информации велат дека болните играчи добро закрепнуваат и ќе конкурираат за место во неделното финале.
