Поранешниот заменик-министер за економија на Русија и сегашен близок соработник на водечките руски опозиционери, Владимир Милов, во интервју за Си-Ен-Ен изјави дека сегашната политика што ја води Владимир Путин ќе доведе до она до што доведе политиката на советските лидери.
Милов, кој живее во егзил од 2021 година, смета дека политиката на Путин ја води Русија кон распаѓање и уништување.
Опозициската политичка и медиумска сцена што деновиве работи надвор од Русија е загрижена и поради забраната на Летонија за една од водечките опозициски ТВ станици ТВ Рајн, поради наводното ширење на пропагандата на Путин.
Поранешниот заменик министер смета дека ваквиот потег на оваа европска земја одлично ќе му одговара на Путин и неговата пропагандна машина.
