Термоелектраната Неготино е синхронизирана на мрежата денеска во 12.20 часот и ја засилува својата снага на производство до постигнување 90MW по котел, соопшти ЕСМ.
„Во моментот ТЕЦ Неготино произведува електрична енергија со еден котел, додека согласно протоколот за работа на термоелектраната, активирање на вториот котел за постигнување на максимален капацитет е планирано за следната недела, по стабилизирање на системот.
Вкупниот капацитет за производство не ТЕЦ Неготино изнесува 180MW, односно инсталиран капацитет колку што има еден блок на РЕК Битола. Ремонтните и сервисните активности завршија пред 24 часа, по што се пристапи кон вклучување на електраната. По изградбата на ТЕЦ Неготино во 1978 година, ова беше прво отворање и големо ремонтирање на генераторот“ – се вели во соопштението на ЕСМ.
