Манекенката Хејли Бибер во повеќе наврати беше мета на шпекулации дека чека дете со сопругот, пејачот Џастин Бибер.
Манекенката многупати се огласуваше и ги демантираше ваквите наводи, но овојпат била присилена на порадикален чекор откако новите гласини за бременоста повторно ги преплавија социјалните мрежи. Хејли објави фотографија со поголем стомак и открила за што всушност станува збор.
„На јајчникот имам циста со големина на јаболко. Немам ендометриоза ниту полицистични јајчници, но неколкупати имав циста и никогаш не беше забавно. Не сум бремена. Болно е и се чувствувам мачно и надуено, имам грчеви и емотивна сум. Сигурна сум дека многу жени можат да се поистоветат со ова. Ние тоа го можеме“, напишала Хејли на објавата на инстаграм-приказната на нејзиниот профил.
Инаку, Хејли и Џастин досега беа многу отворени зa здравјето, па така пејачот отворено зборуваше за својата борба со менталните проблеми кои и ги ставиле „на пауза“ плановите за потомство, а манекенката претходно оваа година беше хоспитализирана бидејќи доживеа мозочен удар.
„Појадував со сопругот во четвртокот наутро кога добив симптоми слични на оние на мозочен удар и отидов во болница. Таму открија дека во мојот мозок се појавило многу мало згрутчување, што предизвикало краток недостаток на кислород, но моето тело реагирало и целосно закрепнав за неколку часа“, напиша тогаш на социјалните мрежи.
Бибер се осврна и на причините поради кои дошло до мозочен удар, а како што ѝ кажале лекарите, три фактори биле пресудни. Најпрвин била на два повеќечасовни авионски лета кои ги преспала и по кои не се движела, потоа коронавирусот кој неодамна го прележала и третата причина биле пилулите за контрацепција.
„Пијам контрацептивни таблети, а инаку страдам од мигрена. Ги зедов на своја рака без да се консултирам со гинеколог“, рекла Хејли и ги предупредила сите девојки да не ја повторуваат нејзината грешка.
