Блискиот соработник на рускиот претседател Владимир Путин, Алексеј Кудрин денеска поднесе оставка. Тој беше директор на рускиот Одбор за ревизија, а претходно беше министер за финансии, како и заменик премиер.
Кудрин во текот на целата кариера беше близок сојузник на Путин. Тој е највисоко рангиран функционер, кој поднел оставка по инвазијата врз Украина. Тој наведе дека сака да се фокусира на „големи проекти”, но додаде дека се уште не одлучил што ќе работи по оставката.
Се претпоставува дека Кудрин по заминувањето од власт би се вработил во рускиот технолошки гигант Јандекс, кои некои го нарекуваат и руски Гугл. Компанијата во моментов спори со владата на Путин околу останувањето во земјата и отворањето нови подружници во странство.
