Италијанската актерка Моника Белучи и на 59 години е позната како една од најубавите жени на светот, а ласкавата титула ја оправда со најновите појавувања.
Моника овој месец во Париз глуми во претставата „Maria Callas, Lettres et Memoires“, а во оваа прилика гостуваше во едно француско шоу каде со својот изглед предизвика лавина реакции.
На Инстаграм беше објавен и клип од шоуто на кој одблизу се гледа лицето на Моника, а без фотошоп и филтри таа со својата убавина ги крена сите од нога.
„Многу убава дама која прекрасно старее“, „Колку старее, толку поубава“, „Природна убавица“, „Колку е убава“, се само дел од комплиментите за природната убавина на актерката.
За разлика од многу нејзини колешки, Белучи успешно се спротивставува на шармот на естетската хирургија и е голем противник на процедурите за разубавување, а тврди дека својата младост ја должи на редовната нега на кожата и правилната исхрана.
Таа неодамна проговори за својот изглед на претставувањето на филмот „Девојката во фонтаната“ во кој ја игра шведската актерка и секс икона Анита Екберг.
