Актерот Силвестер Сталоне ја сподели со јавноста веста за здравјето на својот колега Брус Вилис, откако Вилис засекогаш се повлече од светот на филмот поради тешка болест на почетокот од оваа година.
Во интервју за „Холивуд репортер“, Сталоне откри како е Брус.
„Брус минува низ навистина, навистина тешки моменти. Тој не смее да комуницира со никого. Тоа ме убива. Тоа е толку тажно“, рекол Сталоне.
Вилис и Сталоне работеа заедно на два филма од трилогијата „The Expendables“, а во третото продолжение Вилис беше заменет со Харисон Форд.
Кога дијагнозата на Вилис беше објавена во март, Сталоне беше меѓу првите кој се јави со порака за поддршка на социјалните мрежи. Заедно со неколку фотографии од Вилис, Сталоне напиша: „Се познаваме цела вечност. Се молиме за тебе и за твоето прекрасно семејство“.
Семејството на Вилис кон крајот на март потврди дека му била дијагностицирана афазија, разоран состојба на мозокот што може да доведе до губење на способноста за разбирање или за изразување на говорот. Вилис целосно се повлече од јавниот живот и од неговото пензионирање информациите за неговото здравје излегуваат многу ретко, речиси воопшто.
