Осамен демонстрант беше уапсен од полицијата денеска откако фрлаше јајца кон кралот Чарлс и придружбата на кралицата Камила за време на нивната прошетка во градот Јорк, пишува ДејлиМејл.
Четворица полицајци го фрлиле на земја младиот човек кој врискал „оваа земја е изградена врз крвта на робовите“. Во меѓувреме, набљудувачите кои се собрале да ги видат членовите на кралското семејство извикувале „срам да ти е“ и „Бог да го спаси кралот“.
На снимката се гледа како јајцата летаат покрај Неговото Височество Чарлс и се кршат на земја покрај кралот додека тој беше пречекан од градоначалникот на Јорк. Кралот на снимката накратко погледнува наоколу за да ги види јајцата на земјата, но не реагира на нив.
Додека полицајците го носеа човекот во полициското комбе, Чарлс продолжи со традиционалната церемонија на посакување на добредојде. Последен пат ваква церемонија изведе мајка му Елизабета, во 2012 година.
Чарлс и Камила беа во Јорк и за да присуствуваат на откривањето на статуата на кралицата Елизабета Втора, прв споменик од неа поставен по нејзината смрт.
