Косовскиот премиер Албин Курти рече дека неговата влада е одговорна и им припаѓа на сите.
Тој на почетокот на денешната владина седница рече дека на оние кои наредуваат напуштање на институциите на Косово им пречи законитоста и уставноста и уште еднаш ги повика српските власти да не ги напуштаат косовските институции.
„Ние сме одговорна влада на сите, против криминалците, посветена на развој, интеграција, еднаквост за сите, почитување на правата на малцинствата и сервисирање на граѓаните без разлика и дискриминација. Оние кои наредуваат напуштање на институциите на Косово се оние на кои им пречи законитоста и уставноста, борбата против криминалот и корупцијата во нашата земја“, рече Курти.
Тој додаде дека до среда наутро биле издадени 1.012 опомени за регистерски таблички и немало никакви приговори или инциденти.
