„Ќе се појават нови информации, имаме нови пакети преземени од телефонот“, изјави српскиот претседател Александар Вучиќ, коментирајќи ги наводите на соработникот на сведокот Срѓан Лалиќ дека групата на Вељко Беливук планирала да го убие. Тој посочи дека службите имаат информации кој требало да учествува во извршувањето и на првиот и на следниот планиран атентат.
„Нашите служби не можеа да измислат нешто. Ќе се појават нови податоци, имаме преземени нови пакети од телефонот. Почнаа да зборуваат за убиството и да ме нападнат, сега имаме потврди и знаеме кој сите учествувал во овие приказни. Кој требаше да учествува во егзекуцијата и во првиот и во следниот обид“, рече Вучиќ на прес-конференцијата.
Атентатот наводно бил планиран за време на откривањето на споменикот на Стефан Немања на плоштадот Сава во Белград. Вучиќ рече дека тој ден, поради големата површина на која се наоѓал, биле ангажирани сите снајперисти и специјалци што ги имаме и дека одбил да носи панцир.
„Во тој момент се свртев кон (Александар) Вулин, пред да тргнам кон подиумот, и го прашав: „Што е работата, зошто се тресеш од страв“, рече Вучиќ.
Тој додаде дека прашањето го поставил на шега бидејќи Вулин е одговорен човек, а и самиот не сакал да носи панцир.
„Ако ја доведовме земјата до точка каде што криминалците можат да го убијат шефот на државата, тогаш тоа зборува за нас. И да се кријам од мојот народ, тоа не ми паѓа на памет. Се додека сум жив ќе одам кај мојот народ, нема да носам панцир“, повтори претседателот. Тој посочи дека државата победува во борбата со мафијата, но дека се уште има многу проблеми.
„И отсековме голем дел од главата, но има уште разни нервни завршетоци и многу проблеми со кои се соочуваме, па со тоа ќе треба да се справиме во наредниот период“, заклучи Вучиќ.
