Противвоздушните системи произведени од Запад пристигнаа во Украина и ќе ја зајакнат нејзината војска против Русија, објави на Твитер министерот за одбрана на земјата Oлексеј Резников. Се работи за ракетните системи NASAMS и Aspide од кои Резников објави слики на Твитер. Тие имаат дострел од 50 километри, пренесува РТ.
„Оружјето ќе ја зајакне украинската армија и ќе го „направи нашето небо побезбедно“, напиша Резников и им заблагодари на САД, Норвешка и на Шпанија што го снабдуваат Киев.
NASAMS, систем за противвоздушна одбрана од краток до среден опсег произведен од американскиот одбранбен изведувач Raytheon во соработка со норвешката Kongsberg Defense & Aerospace, му беше ветен на Киев од Пентагон. Пред една недела, американското воено одделение соопшти дека два од осумте фрлачи вети во Украина ќе пристигнат „во многу блиска иднина “.
Системот Aspide од средна класа е дизајниран од сега веќе непостоечката италијанска фирма Selenia. Варијантите за наследници се произведени од меѓународниот производител Leonardo SpA и италијанскиот огранок на европскиот одбранбен гигант MBDA. Шпанија, која купи стотици ракети Aspide во 1980-тите, објави дека вклучила некои од нив во последниот пакет воена помош за Украина минатата недела.
Украина ги повика своите западни поддржувачи да ги зголемат испораките на противвоздушни системи откако Русија почна да спроведува редовни воздушни напади врз нејзината енергетска инфраструктура минатиот месец.
Киев долго време од САД бара ракетни системи со долг, наместо со среден дострел. Во моментов во употреба се системите ХИМАРС кои имаат дострел од 70 километри.
