Магдалена Петревска денеска е назначена за нов в.д. директор на ООУ „Лазо Ангеловски“ во Ново Лисиче откако претходниот директор е разрешен, соопшти Општина Аеродром.
„И покрај тоа што претходниот директор беше повторно предложен да раководи со најголемото училиште во Аеродром, од етички и морални причини градоначалникот Тимчо Муцунски одби да го именува на таа функција со цел заштита и одржување на угледот на училиштето, на наставниот кадар и на самите ученици. За претходниот директор имаше бројни поплаки. Тој со своето однесување предизвика бурни реакции во јавноста и нанесе голема штета на училиштето во кое со децении наназад работат врвни професионалци“, се наведува во соопштението од Општината.
