Англија ќе ја пречека Македонија на легендарниот „Олд Трафорд“ во квалификациите за пласман на ЕВРО 2024, објави фудбалската федерација на „Гордиот Албион“.
Натпреварот е закажан за 19 јуни 2023 година и единствено нашата земја ќе игра на стадионот на Манчестер Јунајтед, додека другите репрезентации со кои идната ќе ги одмери силите „Гордиот Албион“ против Украина, Италија и Малта ќе се играат на „Вембли“.
Овие две репрезентации веќе одиграа еден натпревар на стадионот на Манчестер Јунајтед, кој заврши без голови 0-0. Првиот меч на овие две селекции беше на „Сент Мери“ во Саутемптон, и истиот заврши 2-2.
Како што е веќе познато, Македонија во квалификациската група за ЕВРО 2024 за противници ги доби Англија, Италија, Шкотска, Малта и Украина.
Нашите фудбалери првиот натпревар од квалификациите ќе го одиграат на домашен терен на 23 март 2023 ни гостува Малта, потоа сме домаќини на Украина на 16 јуни, а три дена подоцна ќе настапиме на „Олд Трафорд“ против Англија. На 9 септември во Скопје доаѓа Италија, на 12 истиот месец патуваме за Малта, а два дена подоцна треба да играме со Украина нагости. Македонија ги завршува квалификациите со два тешки натпревари, првиот против Италија на 17 ноември, а како последен е гостувањето на „Гордиот Албион“ во Скопје на 20 ноември.
