Цената на струјата за домаќинствата во Црна Гора во првата половина од годинава изнесува во просек 9,7 евроценти за киловат час за опсегот на годишна потрошувачка од 5.000 до 15.000 kWh, објави Заводот за статистика на Црна Гора (МОНСТАТ).
Како што соопшти МОНСТАТ, споредбените податоци на ЕУРОСТАТ покажуваат дека граѓаните на Црна Гора плаќаат за најскапиот киловат струја во регионот.
Граѓаните на Албанија плаќаат 9,4 евроценти/KWh, Северна Македонија 9,3, Босна и Херцеговина 8,3, а Србија 8 евроценти/KWh.
Најевтиниот киловат е во Косово и е 6,5 евроценти за киловат час.
