Рускиот претседател Владимир Путин последните денови ги преселува членовите на семејството во „подземен град“ во Сибир, тврди руски експерт.Станува збор за луксузен бункер со висока технологија лоциран на планините Алтај, изграден во случај на нуклеарна војна, изјави политикологот Валери Соловеј (61), поранешен професор на Московскиот државен институт за меѓународни односи (МГИМО).
Соловеј претходно тврдеше дека Путин страда од здравствени проблеми кои ги крие од руската јавност и дека заедно со својот министер за одбрана учествувал во чудни шамански ритуали.
„Семејството на претседателот Путин евакуирано во специјален бункер за време на викендот“
Некои експерти од Русија велат дека Соловеј е теоретичар на заговор и измамник, но минатата недела поранешниот професор бил испрашуван седум часа од руските власти поради обвинувањата што ги упатил за здравствената и психичката состојба на Путин, пишува Дејли мејл.
„Во текот на викендот, семејството на претседателот Путин беше евакуирано во специјален бункер подготвен во случај на нуклеарна војна. Бункерот се наоѓа во Република Алтај. Всушност, тоа не е бункер, туку целиот подземен град, опремен со најнова технологија“, рече Соловеј.
„Се надевам дека ова ви покажува нешто – дека претседателот го испраќа своето семејство во бункерот?“, додаде тој.
Индикации за постоење на бункер
Експертите велат дека Најтингел, кој тврди дека има инсајдерски контакти во Кремљ, мисли на огромен планински имот кој наводно бил изграден од енергетскиот гигант Газпром пред околу десет години во Република Алтај, сибирски регион кој се граничи со Монголија, Кина и Казахстан.
Набљудувачите во областа забележале повеќе точки за вентилација на земјата околу планинското скривалиште и високонапонска линија поврзана со ултрамодерна трафостаница што може да напојува мал град. За време на изградбата, наводно, на имотот имало огромни германски машини за копање тунели.
Семејството на Путин
Соловеј не кажа за кои членови на семејството на Путин станува збор, но рече дека гимнастичарката Алина Кабаева (38) била тајната сопруга на рускиот лидер.
„Тоа е неговото вистинско семејство и Алина може да влијае на неговите одлуки“, рече тој минатата година.
Путин има две возрасни ќерки – генетичарката Марија Воронцова (36) и Катерина Тихонова (35), танчерка која стана математичар.
Некои информации наведуваат дека тој ја има и ќерката Луиза Розова (18) од претходната врска со Светлана Кривоногих (45), чистачка која подоцна се збогатила. Според гласините, тој има деца и со Кабаев, но Кремљ тоа го негира.
„Како што знаете, ниту една цел на руската инвазија не е постигната.
Путин беше погоден од исклучително силната и обединета реакција на Западот на неговата инвазија на Украина.
„Путин планираше да прогласи целосна и неоспорна воена победа во недела на 27 февруари и да објави дека крајот на неговата таканаречена „специјална операција“ е близу. Но, како што знаете, ниту една цел на руската инвазија во Украина не е постигната“, рече Соловеј.
Русија тврди дека погодила 1.146 објекти на украинската воена инфраструктура, 81 бази за воздушна одбрана С-300, плус ракетните системи за воздушна одбрана Бук М-1 и Оса и 75 радарски станици.
„Уништени се вкупно 311 тенкови и други оклопни возила, 42 авиони и хеликоптери, 51 повеќеракетен систем, 147 артилериско оружје и минофрлачи и 263 специјализирани воени возила“, изјави портпаролот на Министерството за одбрана Игор Конашенков.
Но, некои извештаи велат дека украинските сили успешно ги одбиле Русите и дека руските власти се обидуваат да го прикријат бројот на жртви во нивните воени редови.
Што се однесува до наводите за болеста на Путин, кои руските власти ги негираат, Соловеј рече дека нема да го користи терминот „терминално болен“, туку еуфемизмот за „лични околности што имаат силно влијание“. Тој во минатото сугерираше дека Путин боледува од Паркинсонова болест во рана фаза, но не обезбеди докази за своите тврдења.
