Рускиот претседател Владимир Путин потпиша четири закони со кои се ратификува анексијата на окупираните региони Доњецк, Луганск, Запорожје и Керсон од страна на Руската Федерација.
– Границите на новите субјекти на Федерацијата, како што произлегува од договорот, ќе бидат одредени со границите што постоеле на денот на нивното формирање и прифаќање во Руската Федерација – се наведува во документите потпишани од Путин, пренесува руската агенција. ТАСС.
До изборот на нови раководители со овие региони ќе управуваат привремени вршители на должност назначени од Путин, пишува ТАСС.
Државната дума и Советот на федерацијата, Долниот и Горниот дом на рускиот парламент, вчера и понеделник ги ратификуваа документите за прием на самопрогласените Лугански и Доњецки Народни републики, Запорожје и Херсон во Русија.
Инаку ова е резултат по референдумите што се одржаа во овие региони од 23 до 27 септември. Во ДНР за оваа одлука гласале 99,23 отсто од гласачите, во ЛНР 98,42 отсто, во Херсонската област 87,05 отсто и во Запорожје 93,11 отсто, додава руската агенција.
Беа објавени и декрети за назначување на Леонид Пашечник за вршител на должноста шеф на Луганската Народна Република и Денис Пушилин за Доњецк.
Руските сили во моментов не контролираат целосно ниту една од четирите области.
