Низ украинските градови кои се под контрола на Украинците, но и под напади на руската артилерија се појавија необични симболи на зградите и покривите на куќите.
Ова први го забележале жителите на Киев.
-„Сите жители на згради кои имаат пристап до покриви, проверете ја состојбата. Ако видите некакви симболи, покријте ги со нешто“, ги предупредија надлежните граѓаните, а објавите за симболите ги преплавија социјалните мрежи.
Тие се сомневаат дека тоа е дело на руски саботери кои ги обележуваат идните цели.
На некои згради може да се видат симболи како црвениот X.
-„Итно известување! Затворете го целиот пристап до покривите, ако видите сомнителни луѓе или какви било симболи, веднаш повикајте војска или полиција“, објавија градоначалниците на многу украински градови.
