Кристијано Роналдо, асот на Манчестер Јунајтед и понатаму е највлијателниот фудбалер на Инстаграм.
Португалецот кој веќе има 37 години и оваа година не е во преден план со тренерот Тен Хаг, според истражувањето на Nielse InfluenceScope е играч кој има речиси 500 милиони следбеници (472 милиони) на оваа социјална мрежа.
Последната година го следат 47 отсто повеќе луѓе. Зад Роналдо во овој сегмент се рангирани Лионел Меси (358 милиони следбеници), Нејмар (177 милиони) и Килијан Мбапе (73 милиони).
Најголем скок има Винисиус Јуниор, кој во изминатите 365 дена речиси двојно го зголеми бројот на следбеници.
Меѓу младите играчи во центарот на вниманието е асот на Барселона Гави, чиј број на следбеници е зголемен за 5.000 отсто од август 2021 година.
Што се однесува до репрезентациите, најмногу следбеници има Франција, актуелниот светски првак, пред Бразил и Португалија.
