Ковчегот на кралицата Елизабета Втора. полека се движи низ Лондон до Бакингемската палата, каде што го очекува новиот крал Чарлс III, другите деца на кралицата, внуците и нивните сопруги.
Ковчегот обвиен со кралско знаме беше пренесен во Лондон од Шкотска со авион на Кралските воздухопловни сили, откако преноќуваше во катедралата Свети Егидио во Единбург. Околу 33.000 луѓе во главниот град на Шкотска поминаа покрај ковчегот и оддадоа почит на најдолговечната британска кралица.
Елизабета почина во четвртокот во замокот Балморал во шкотските висорамнини на 96-годишна возраст, по седумдесетгодишно владеење.
Нејзиниот син Чарлс претходно денеска ја посети Северна Ирска и таму водеше церемонија за кралицата. Политичките лидери во Белфаст оддадоа почит на поддршката на неговата мајка за помирување меѓу поделените заедници во британската провинција, повикувајќи го да го следи нејзиниот пример. Чарлс потоа се вратил во Лондон додека ковчегот патувал на југ.
Десетици илјади луѓе се собраа вчера во Единбург за да ја следат поворката додека ковчегот беше донесен од Балморал.
Синоќа Чарлс, неговата сестра Ана и браќата Ендру и Едвард присуствуваа на бдеење во шкотска катедрала. Утре, со голема воена поворка, ковчегот на кралицата ќе биде преместен во Вестминстерската сала, најстарата сала на британскиот парламент, каде ќе биде изложен за јавноста до 19 септември.
