ПР-от на Северина, Давор Гргин, објасни како поминал полицискиот распит, но најави и дополнителни дејствија поврзани со нејзината сестра Маријана Поповиќ. За деталите проговори и адвокатката на пејачката Јасминка Билош.
ПР-от на Северина, Давор Гргин, во вторникот вечерта проговори за нејзиното приведување во полиција, по избивањето на физичкиот конфликт меѓу неа и нејзината сестра Маријана Поповиќ. „Северина беше сослушана во Јавното обвинителство во Загреб поради пријавата на нејзината сестра Маријана Поповиќ. Загрепската ПУ постапила по барање на сплитската полиција. Однесувањето на полицајците во Загреб беше професионално и коректно“, потврдил Гргин, пренесува Дневник.хр.
Тој го претстави и описот на Северина за настанот. „Според описот на Северина за настанот, на Северина физички повреди и нанела Маријана Поповиќ, а не обратно. Ги скинала ланчињата од вратот и и го скршила мобилниот телефон. За ова има материјални докази, медицинска документација и сведоци“, изјави подоцна.
Тој најави и продолжување на правниот процес. „Очекуваме дека против Маријана Поповиќ ќе биде покрената постапка врз основа на кривичната пријава на Северина“, рече тој на крајот.
Се огласи и адвокат
Адвокатката Јасминка Билош во меѓувреме со куса изјава за медиумите ја расветли ситуацијата. „Северина не е уапсена и моментално е на слобода. Таа даде изјава во полиција во врска со кривичната пријава што против неа ја поднесе нејзината сестра. Во оваа ситуација Северина била нападната, а таа е жртва на насилство – за ова има медицинска документација. Таа ќе го докаже тоа и ќе поднесе кривична пријава против нејзината сестра“, рече Билош.
Таа објасни и зошто полицијата трага по неа. „Веројатно дошло до недоразбирање во комуникацијата. Северина два дена пред поаѓање купила билет за Загреб, никој во Сплит не ја повикал да одговори и да даде изјава, па си заминала. Сигурно немаше потреба од ваква интервенција“, изјави Билош.
Северина била прегледана на Клиниката за трауматологија во Загреб. „Да, таа се здоби со физички повреди и тоа се последиците од физичкиот напад на нејзината сестра. Значи, не се работи за тоа да ја нападне нејзината сестра, туку обратно“, објасни Билош. „Нејзината сестра поднела кривична пријава против неа и затоа полицијата ја барала. Бидејќи се работи за роднинска врска, полицијата од тие причини требало да земе изјава“, додаде Билош.
