Рускиот магнат „Транснефт“ продолжи со пумпање нафта низ јужниот крак на гасоводот „Дружба“ во правец кон Унгарија и Словачка, изјави за РИА Новости советникот на претседателот на компанијата Игор Демин. Унгарската компанија „МОЛ“ и словачката рафинерија „Словнафт“ се договориле со украинската страна да продолжат со испораките и ги платиле трошоците за транзит. Вчера Украина го сопре протокот затоа што немаше како да го наплати транзитот поради западните санкции.
– Пумпите работат, се вклучија во 16:00 часот, достигнувајќи режим на работен притисок за 15 минути – рече Демин од „Транснефт“.
„Транснефт“ вчера потврди дека украинската компанија „Укртранснафта“ на 4 август престана да испумпува нафта од Русија преку јужниот крак на гасоводот „Дружба“ до Унгарија, Чешка и Словачка, бидејќи руската страна не може да изврши транзитно плаќање под санкциите на ЕУ.
Нафтоводот „Дружба“ започнува во регионот Самара, поминува низ Брјанск и потоа се разгранува на два дела: северниот, кој минува низ територијата на Белорусија , Полска и Германија и јужниот – преку Украина, Чешка, Словачка и Унгарија.
