Две лица починаа, а нови 897 граѓани заболени од ковид-19 се регистрирани во последните 24 часа во земјава, соопшти Министерството за здравство.
Меѓу нив од Скопје се 384, Битола – 66, Струмица – 47, Прилеп – 43, Куманово и Кавадрци по 41, Велес – 37, Охрид – 36, Тетово – 26, Струга и Неготино по 19, Гостивар – 17, Штип – 16, Радовиш – 13, Кичево – 12, Дебар – 10, Гевгелија и Демир Хисар по 8, Кочани и Крива Паланка по 7, Валандово и Кратово по 6, Ресен, Берово и Свети Николе по 5, Пробиштип и Крушево по 4, Виница и Пехчево по 2, Богданци – 1.
Од вкупниот број позитивни, регистрирани се 215 реинфекции. Регистрирани сe 638 оздравени пациенти.
Во текот на изминатите 24 часа пријавени се две починати лица во болнички услови од Скопје (80 и 83). Согласно Регистарот на умрени лица со дијагноза ковид-19 од Мој термин не се регистрирани починати лица.
Направени се 1.828 тестови. Досега во земјата се дијагностицирани 325.279 лица, оздравеле 311.015, починале 9.363, а бројот на активни случаи изнесува 4.901. Во Скопје има 2.217 активни случаи, а само во Демир Капија не е регистриран ниту еден заболен.
